太古坊休閒咖啡小店😎Affee 阿啡😎墨汁Bagel好惹味

作為一間以簡約為主嘅精品咖啡小店，Affee 阿啡 店內行休閒嘅風格，佢哋嘅招牌係飲住咖啡嘅骷髏骨頭，裝修非常有質感，黃白色嘅牆身好有異國風味，擺設亦都落足心思，例如貼滿明信片嘅牆、黑膠唱機、書架上放滿唔同嘅書籍，所有細節位都好有味道。除咗提供咖啡之外，店內仲提供唔同輕食同甜點😎 Affee 咖啡店設於太古坊附近，好適合一班上班一族過嚟飲杯咖啡偷閒一吓，嘆住咖啡聽歌不知幾享受🤭 Bagel 揀咗墨魚汁味，貪佢新奇獨特🤭 面頭舖滿double cheese，芝士焦焦脆脆好惹味，dap真啲仲食到墨汁嘅香味～Bagel口感柔韌有嚼勁，作為早餐或者下午茶都好適合！ Carrot Cake 我特別偏愛蘿蔔蛋糕🥕 因為味道簡單純粹，呢款蛋糕造成四方型好似一塊麵包咁，側邊少少脆邊；內裡濕潤。用叉輕輕壓下便可切開，蛋糕面會睇到一絲絲嘅蘿蔔，做成蛋糕好發揮到蘿蔔嗰種自帶嘅甜味，蘿蔔完全冇生澀味，只留下溫和嘅甘甜，亦證明真材實料呢😚 Caramel Latte 奶泡打得好綿密，飲落質感幼滑細膩，帶有淡淡嘅焦糖味，暖暖地咁飲落好舒服😆 一邊望住窗外嘅風景一邊聽歌， 口腔感受到淡淡焦糖香氣，個心都甜埋😆 Matcha Latte 見到綠綠綿綿嘅奶泡就覺得充滿療癒活力！抹茶味濃度適中，拉花令咖啡嘅滋味更上一層樓，係味覺同視覺嘅雙重盛宴，勁打卡able🥰 #蛋糕 #甜品 #咖啡 #鰂魚涌 #hkcafe #hkfood #hkfoodie #hkfoodblogger #hkblog #hkfoodies #hkfoodblog #hkfoods #hkfoodig #hkfoodieblogger #hkcake #hkfoodporn #hkfoodstagram #hkcoffeeshop #hkfoodpic #hkfoodshare #hkfoodlover #hkfoodielife #hkfoodgram #Lemonmediahk #Lemonfoodiehk #affeehk (此文章由U Blog 同步發佈至社群)